Embassy’s Activities

នៅថ្ងៃទី២៧ ខែតុលា ឆ្នាំ២០២៤ ឯកឧត្តម ទុយ រី ឯកអគ្គរាជទូតកម្ពុជា ប្រចាំប្រទេសជប៉ុន អមដោយមន្ត្រី និងបុគ្គលិកស្ថានទូត បាននាំយកនូវត្រៃ និងបច្ច័យមួយចំនួន ដើម្បីដង្ហែរអង្គកឋិនទានមហាសាមគ្គី វេរប្រគេនព្រះសង្ឃគង់ចាំព្រះវស្សាអស់ត្រីមាស (បីខែ) ក្នុងពុទ្ធសីមា នៅវត្តខ្មែរសាមគ្គីប្រទេសជប៉ុន។ កម្មវិធីនេះ មានការអញ្ជើញចូលរួមពីសំណាក់ព្រះសង្ឃខ្មែរ ចំនួន ៥អង្គ ក្នុងនោះនិមន្គពីវត្តបារមីគិរីខេមរាភ្នំបិតាធំចំនួន​ ២អង្គ នៃខេត្តកាណាហ្កាវ៉ា និងព្រះសង្ឃថៃ​ ១អង្គ​ ព្រមទាំងពុទ្ធបរិស័ទចំណុះជើងវត្ត ក៏ដូចជាបងប្អូនខ្មែរជិតឆ្ងាយចូលរួមចាប់មគ្គផលបុណ្យយ៉ាងច្រើនកុះករ។ ស្ថានឯកអគ្គរាជទូតកម្ពុជា សូមជូនបុណ្យកុសលដល់បងប្អូនខ្មែរទាំងអស់…

នៅថ្ងៃទី២៥ ខែតុលា ឆ្នាំ២០២៤ ឯកឧត្តម ទុយ រី ឯកអគ្គរាជទូតកម្ពុជា ប្រចាំប្រទេសជប៉ុន បានចូលរួមកម្មវិធីប្រកួតវាយកូនហ្គោលមិត្តភាពនៃ ACT ដែលបានដឹកនាំរៀបចំដោយស្ថានទូតសិង្ហបុរីប្រចាំប្រទេសជប៉ុន ដែលជាប្រធានប្តូរវេនសម្រាប់រៀបចំកម្មវិធីនេះ និងមានការចូលរួមពីសំណាក់ឯកអគ្គរាជ/រដ្ឋទូត​ អនុប្រធាន​ និងមន្ត្រីស្ថានទូតនៃបណ្តាប្រទេសសមាជិកអាស៊ានប្រចាំប្រទេសជប៉ុន​ និងផ្នែកឯកជននៅក្នុងប្រទេសជប៉ុនដែលត្រូវបានអញ្ជើញដោយស្ថានទូតរៀងៗខ្លួន ដែលមានអ្នកចូលរួមចំនួន​ ៥០នាក់ នៅ Narita Golf Club ខេត្តឈីបា។ ការប្រកួតវាយកូនហ្គោលមិត្តភាពនេះ គឺជាកម្មវិធីមួយក្នុងចំណោមកម្មវិធីជួបជុំមួយដែលត្រូវបានរៀបចំដោយ ACT ក្នុងគោលបំណងបង្កើនមិត្តភាព ភាពស្និទ្ធស្នាល និងការសហការ ក៏ដូចជាបង្កើនទំនាក់ទំនងក្នុងចំណោមស្ថានទូតនៃបណ្តាប្រទេសសមាជិកអាស៊ាន…