Embassy’s Activities

នៅរសៀលថ្ងៃទី២៤ ខែតុលា ឆ្នាំ២០២៤ ដោយទទួលបានដំណឹងអំពីអាណត្តិការងាររបស់ឯកឧត្តម Masahiro Imamura ឯកឧត្តម ទុយ រី ឯកអគ្គរាជទូតកម្ពុជា ប្រចាំប្រទេសជប៉ុន អមដោយមន្ត្រី និងបុគ្គលិកស្ថានទូត បានចូលជួបសម្តែងជាមួយឯកឧត្តម Masahiro Imamura សមាជិកសភាជប៉ុន និងជាប្រធានសម្ព័ន្ធមិត្តភាពសភាជប៉ុន-កម្ពុជា ដែលឯកឧត្តមនឹងត្រូវចប់អាណត្តិការងារ នៅក្រោយការបោះឆ្នោតសភាជាន់ទាបរបស់ប្រទេសជប៉ុន ដែលនឹងប្រព្រឹត្តទៅ នៅថ្ងៃទី២៧ ខែតុលា ឆ្នាំ២០២៤ខាងមុខ។ ក្នុងឱកាសនោះ ឯកឧត្តមឯកអគ្គរាជទូត បានសំដែងនូវការអបអរសាទរចំពោះការបញ្ចប់អាណត្តិការងារប្រកបដោយជោគជ័យរបស់ ឯកឧត្តម Masahiro Imamura…

នៅព្រឹកថ្ងៃទី១៧ ខែតុលា ឆ្នាំ២០២៤ តបតាមការស្នើសុំរបស់លោកគ្រូអ្នកគ្រូនៃសាលា Akasaka Elementary School ឯកឧត្តមឯកអគ្គរាជទូតកម្ពុជាប្រចាំប្រទេសជប៉ុន បានអនុញ្ញាតឱ្យលោកគ្រូអ្នកគ្រូ អាណាព្យាបាល និងសិស្សានុសិស្សសរុបចំនួន ៤០ រូបមកធ្វើទស្សនកិច្ចសិក្សា និងស្វែងយល់អំពីទំនាក់ទំនងកម្ពុជា-ជប៉ុន ព្រមទាំងស្តាប់បទបង្ហាញស្តីអំពីកម្ពុជា នៅស្ថានទូតកម្ពុជាប្រចាំប្រទេសជប៉ុន។ នៅក្នុងសុន្ទរកថាស្វាគមន៍ ឯកឧត្តមឯកអគ្គរាជទូត បានគូសបញ្ជាក់អំពីប្រវត្តិទំនាក់ទំនងការទូតរវាងកម្ពុជានិងជប៉ុន ដែលមានរយៈពេលជាង៧០ឆ្នាំមកហើយ គឺចាប់តាំងពីខែមករា ឆ្នាំ១៩៥៣ មក និងដែលថ្មីៗនេះ កម្ពុជា-ជប៉ុន បានក្លាយជាដៃគូយុទ្ធសាស្ត្រគ្រប់ជ្រុងជ្រោយនៅឆ្នាំ២០២៣។ ឯកឧត្តមឯកអគ្គរាជទូត ក៏បានលើកឡើងផងដែរអំពីទំនាក់ទំនងដ៏ល្អរវាងរាជរដ្ឋាភិបាលកម្ពុជានិងរាជរដ្ឋាភិបាលជប៉ុន ដែលជានិច្ចកាលតែងតែមានការផ្លាស់ទស្សនកិច្ចគ្នាទៅវិញទៅមក។ ជាចុងក្រោយ…

នៅថ្ងៃទី១៥ ខែតុលា ឆ្នាំ២០២៤ តបតាមការអញ្ជើញរបស់ ព្រះតេជគុណបណ្ឌិត Shinkai Kori ប្រធាននៃកិច្ចប្រជុំកំពូលនៃពុទ្ធសាសនិកពិភពលោក និងសន្និសីទកំពូលនៃពុទ្ធសាសនិកពិភពលោក ឯកឧត្តម ទុយ រី ឯកអគ្គរាជទូតកម្ពុជាប្រចាំប្រទេសជប៉ុន អមដោយមន្ត្រីស្ថានទូត បានអញ្ជើញចូលរួមពិធីគោរពថ្វាយព្រះរាជមហាកុសលថ្វាយចំពោះព្រះវិញ្ញាណក្ខន្ធ ព្រះករុណាព្រះបាទសម្តេច ព្រះនរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ “ព្រះបរមរតនកោដ្ឋ” គម្រប់ខួប ១២ឆ្នាំ នៅព្រះវិហារព្រះពុទ្ធសាសនា Nenbutsushu Sampozan Muryojuji…

នៅព្រឹកថ្ងៃទី១៥ ខែតុលា ឆ្នាំ២០២៤ ស្ថានឯកអគ្គរាជទូតកម្ពុជាប្រចាំប្រទេសជប៉ុន បានរៀបចំពិធីគោរពព្រះវិញ្ញាណក្ខន្ធ ព្រះករុណាព្រះបាទសម្តេច ព្រះនរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ “ព្រះបរមរតនកោដ្ឋ” គម្រប់ខួប ១២ឆ្នាំនៃការយាងចូលទិវង្គតរបស់ព្រះបរមរតនកោដ្ឋ ជាទីគោរពសក្ការៈដ៏ខ្ពង់ខ្ពស់បំផុត។ ទូលព្រះបង្គំយើងខ្ញុំ ជាកូន ជាចៅ ចៅទួត ចៅលួត របស់ព្រះអង្គ សូមសម្តែងនូវកាសោកស្តាយ អាឡោះអាល័យ នឹកឃើញ និងចងចាំជាប់ជានិច្ចនូវព្រះករុណាទិគុណ និងព្រហ្មវិហារធម៌ដ៏ថ្លៃថ្លា ឧត្តុងឧត្តម វិសេសវិសាលរបស់ព្រះករុណា…

នៅថ្ងៃទី១២-១៣ ខែតុលា ឆ្នាំ២០២៤ ស្ថានឯកអគ្គរាជទូតកម្ពុជា ប្រចាំប្រទេសជប៉ុន បានចូលរួមតាំងពិព័រណ៍ ក្នុងកម្មវិធី Minato Citizen Festival-International Friendship រៀបចំឡើងដោយសាលាខណ្ឌមីណាតុ នៅឧទ្យាន Shiba Koen ទីក្រុងតូក្យូ ដើម្បីចូលរួមផ្សព្វផ្សាយអំពីវប្បធម៌ តំបន់ទេសចរណ៍ និងផលិតផលកម្ពុជា ដល់មិត្តជប៉ុន និងភ្ញៀវអន្តរជាតិ។ ទន្ទឹមនឹងនេះ ស្ថានទូតក៏បានរៀបចំឱ្យមានការបង្ហាញអំពីសិល្បៈរបស់កម្ពុជា ដែលសម្តែងដោយសិល្បៈករ ជាកុមារា កុមារី យុវជន និងយុវតី មកពីសហគមន៍ខ្មែរយើងដែលរស់នៅក្នុងប្រទេសជប៉ុនផងដែរ។ ក្នុងឱកាសនោះ…

នៅព្រឹកថ្ងៃទី៦​ ខែតុលា​ ឆ្នាំ២០២៤​ តបតាមការអញ្ជេីញរបស់ឯកឧត្តម​ មុិច​ ច័ន្ទមុន្នី​ ទីប្រឹក្សាសម្តេចអគ្គមហាសេនាបតី​តេជោ​ ហ៊ុន​ សែន​ ប្រធានគណបក្សប្រជាជនកម្ពុជា​ និងជាអ្នកផ្តួចផ្តេីមរៀបចំព្រឹត្តការណ៍ប្រកួត​បាល់ទាត់​ ឯកឧត្ដម ទុយ រី ឯកអគ្គរាជទូតកម្ពុជាប្រចាំប្រទេសជប៉ុន​ អមដោយមន្រ្តី​ និងបុគ្គលិកស្ថានទូត​ បានចូលរួមជាអធិបតីក្នុងព្រឹត្តិការណ៍នៃការប្រកួតកីឡាបាល់ទាត់មិត្តភាព​ "ពានរង្វាន់ហ្វូតសាលអូសាកា (OSAKA FUTSAL CUP)​"​ នៅក្រុងអូសាកា​ ប្រទេសជប៉ុន។ កម្មវិធីនេះ​មានការចូលរួមពីក្រុមបាល់ទាត់ខ្មែរទាំង​ ៨ក្រុម​ រួមមាន៖​ ​ទី១.​ ក្រុម CJS…