Embassy’s Activities

នាថ្ងៃទី៣០ ខែសីហា ឆ្នាំ២០២២ នេះ ឯកឧត្តម ទុយ រី ឯកអគ្គរាជទូតកម្ពុជាប្រចាំប្រទេសជប៉ុន និងសហការី បានជួបពិភាក្សាការងារជាមួយតំណាង Transport Cooperative Association ស្តីពី "សក្តានុពលនៃកម្លាំងពលកម្មនៅកម្ពុជា និងនីតិវីធីនៃការជ្រើសរើសកម្មសិក្សាការី និងពលករជំនាញខ្មែរមកធ្វើការក្នុងប្រទេសជប៉ុន"។ លោកតំណាងសមាគមសន្យានឹងធ្វើការជ្រើសរើសកម្លាំងពលកម្មខ្មែរមកធ្វើការនៅតាមក្រុមហ៊ុន និងសហគ្រាស ដែលជាសមាជិករបស់ខ្លួន ព្រមទាំងយកចិត្តទុកដាក់លើការគាំពារ ដើម្បីធានាបាននូវបរិយាកាសការងារ និងការរស់នៅរបស់ពួកគេល្អប្រសើរ។ កិច្ចប្រជុំខាងលើនេះ គឺជាការចូលរួមពង្រីកទីផ្សារការងារកម្ពុជាក្នុងប្រទេសជប៉ុន តាមរយៈការជម្រុញ និងលើកទឹកចិត្តសមាគមគ្រប់គ្រង និងក្រុមហ៊ុនជប៉ុន ដែលមានតម្រូវការកម្លាំងពលកម្មបរទេស ឱ្យធ្វើការជ្រើសរើសកម្លាំងពលកម្មខ្មែរឱ្យកាន់តែច្រើនក្នុងប្រទេសជប៉ុន។…

នៅថ្ងៃទី២៣ ខែសីហា ឆ្នាំ២០២២ ឯកឧត្ដម ទុយ រី ឯកអគ្គរាជទូតវិសាមញ្ញ និងពេញសមត្ថភាព នៃព្រះរាជាណាចក្រកម្ពុជាប្រចាំប្រទេសជប៉ុន បានផ្តល់បឋកថា ក្នុងកម្មវិធី Asia Africa Latin America Solidarity Committee (AALA) ដែលមានសមាជិកប្រមាណ ៥០នាក់ មកពីខេត្តក្រុងនានាទូទាំងប្រទេសជប៉ុន ចូលរួមស្តាប់តាមរយៈប្រព័ន្ធបញ្ជូនវីដេអូពីចម្ងាយ (Zoom)។   ឯកឧត្ដមឯកអគ្គរាជទូត បានលើកឡើងអំពីប្រវត្តិទំនាក់ទំនងការទូត វប្បធម៌ ទេសចរណ៍ ការអភិវឌ្ឍ ពាណិជ្ជកម្ម…

ថ្ងៃទី២០ ខែសីហាឆ្នាំ ២០២២ ជាផ្នែកមួយ​នៃការអនុវត្តនយោបាយការទូតសេដ្ឋកិច្ចរបស់រាជរដ្ឋាភិបាលកម្ពុជា ក្រុមហ៊ុនតៃកា (TAICA) ដែលមានអាជីវកម្មនៅកម្ពុជាជាអ្នកឧបត្ថម្ភការប្រកួតកីឡា បាល់ទាត់រវាងក្រុម Shimizu S-Pulse និង Kashiwa Reysol នៃលីគកំពូលជប៉ុន (Japan League) ដោយប្រសិទ្ធិនាមការប្រកួតថាជា ទិវាកម្ពុជា Cambodia Day ។ ក្រុមការងារស្ថានទូតកម្ពុជាបានចូលរួមពិធីបើកការប្រកួត ហើយឯកឧត្ដម ទុយ រី ឯកអគ្គរាជទូតកម្ពុជាប្រចាំប្រទេសជប៉ុនមានកិត្តិយសទាត់បាល់ជាកិច្ចចាប់ផ្តើមនៃការប្រកួត ។   ឯកឧត្ដម IMAMURA…

កាលពីថ្ងៃទី១៧ ខែសីហា ឆ្នាំ២០២២ ឯកឧត្ដម ទុយ រី ឯកអគ្គរាជទូតវិសាមញ្ញ និងពេញសមត្ថភាព នៃព្រះរាជាណាចក្រកម្ពុជាប្រចាំប្រទេសជប៉ុន បានទទួលជួបលោកស្រី Naoko UEDA ប្រធានថ្មី នៃមជ្ឈមណ្ឌលអង្គការសហប្រតិបត្តិការនិងការអភិវឌ្ឍសេដ្ឋកិច្ច ប្រចាំក្រុងតូក្យូ (OECD Tokyo Center) ដើម្បីសម្តែងការគួរសម និងពិភាក្សាការងារអំពីកិច្ចសហប្រតិបត្តិការរវាង OECD និងអាស៊ាន ដែលបានផ្តួចផ្តើមដោយរដ្ឋាភិបាលជប៉ុន នៅឆ្នាំ២០១៤ មកដល់បច្ចុប្បន្ន ជាពិសេសកិច្ចសហប្រតិបត្តិការក្នុងពេលកម្ពុជា ជាប្រធានអាស៊ាន។ ឯកឧត្តមឯកអគ្គរាជទូត បានជម្រាបអំពីជោគជ័យរបស់កម្ពុជា ក្នុងនាមប្រធានអាស៊ាន…

នៅថ្ងៃទី១៦ ខែសីហា ឆ្នាំ២០២២ ឯកឧត្តម ទុយ រី ឯកអគ្គរាជទូតបានអញ្ជើញចូលរួមកិច្ចប្រជុំលើកទី៣១១ នៃគណៈកម្មាធិការអាស៊ានប្រចាំទីក្រុងតូក្យូ នៅស្ថានទូតវៀតណាមប្រចាំប្រទេសជប៉ុន ។ ក្នុងឱកាសនោះ ឯកអគ្គរដ្ឋទូតវៀតណាម ដែលជាប្រធានគណៈកម្មាធិការ អាស៊ាននៅទីក្រុងតូក្យូ បានរៀបចំកម្មវិធីអបអរសាទររំលឹកខួបអាស៊ាន លើកទី៥៥ ហើយ ឯកឧត្តម ទុយ រី ក៏ត្រូវបានអញ្ជើញថ្លែងសន្ទរកថាខ្លីស្តីពីភាពជាប្រធានអាស៊ានរបស់កម្ពុជាក្នុងឆ្នាំ២០២២ ផងដែរ ។ បន្ទាប់ពីកិច្ចប្រជុំនេះដែរ ឯកឧត្តម លោកជំទាវ ឯកអគ្គរាជ/រដ្ឋទូត ក៏បានចូលរួមកម្មវិធីនៃការធ្វើបទបង្ហាញដោយលោក KANO Takehiro…

នៅថ្ងៃទី១០ ខែសីហា ឆ្នាំ២០២២ ឯកឧត្តម ទុយ រី ឯកអគ្គរាជទូតវិសាមញ្ញ និងពេញសមត្ថភាពនៃព្រះរាជាណាចក្រកម្ពុជាប្រចាំប្រទេសជប៉ុន បានទទួលជួបលោក Kato Kazunori. តំណាងសមាគមមិត្តភាពជប៉ុន កម្ពុជា (JCA), លោក Keisuke Ohya ប្រធានក្រុមហ៊ុន Hikari Moters Co., Ltd និងសហការី ដើម្បីពិភាក្សាផ្លាស់ប្តូរយោបល់លើកិច្ចការចំនួន ០២ រួមមាន (១)-កិច្ចសហប្រតិបត្តិការផ្តល់ជំនួយទៅកម្ពុជា និង (២)-ការសម្របសម្រួល លើសេចក្ដីសម្រេចរបស់ក្រុមហ៊ុនជប៉ុនទៅវិនិយោគនៅកម្ពុជាបន្ទាប់ពីបានចូលរួមទស្សនកិច្ចពាណិជ្ជកម្មនៅកម្ពុជាកាលពីចុងខែមេសា…