Embassy’s Activities

នៅថ្ងៃទី២៥ ខែសីហា ឆ្នាំ២០២៤ ឯកឧត្ដម ទុយ រី ឯកអគ្គរាជទូតកម្ពុជាប្រចាំប្រទេសជប៉ុន អមដោយលោក កៅ និរោធន៍ អនុព័ន្ធការងារបានចុះសួរសុខទុក្ខពលករ ជំនាញខ្មែរដែលកំពុងបម្រើការងារនៅក្រុមហ៊ុន Hokkaido Green Partner ផ្នែកកសិកម្មដាំឆៃថាវ និងដាំផ្កាខាត់ណា(Broccoli) នៅស្រុកToyoroko នៃកោះហុកកៃដូចំនួនសរុបប្រមាណ ៣០នាក់។ ឯកឧត្ដម មានការភ្ញាក់ផ្អើល និងត្រេកអរបំផុតដែលបានឃើញផ្ទាល់នូវសកម្មភាពការងារ ទិដ្ឋភាពជាក់ស្ដែងនៅកន្លែងការងារ នៅកោះដ៏ឆ្ងាយពីទីក្រុងតូក្យូមួយនេះ ដោយថៅកែជប៉ុនបានយកចិត្តទុកដាក់មើលថែទាំដ៏កក់ក្តៅ មិនត្រឹមតែប៉ុណ្ណោះ ម្ចាស់ក្រុមហ៊ុននេះអនុញ្ញាតឱ្យចាក់ចម្រៀងខ្មែរកំដរក្នុងពេលម៉ោងពួកគាត់កំពុងធ្វើការងារផងដែរ។ ឯកឧត្ដម បានថ្លែងអំណរគុណដល់ក្រុមហ៊ុន…

នៅល្ងាចថ្ងៃសុក្រ ទី២៣ ខែសីហា ឆ្នាំ២០២៤ តបតាមការអញ្ជើញរបស់លោក Yoshiki MORI ប្រធានមូលនិធិក្លឹបអ៊ីអន ១% (Aeon 1% Club Foundation) ឯកឧត្តម ទុយ រី ឯកអគ្គរាជទូតកម្ពុជាប្រចាំប្រទេសជប៉ុន អមដោយមន្ត្រីស្ថានទូត បានអញ្ជើញចូលរួមជាកិត្តិយសថ្លែងសន្ទរកថាក្នុងពិធីជប់លៀងប្រកាសជ័យលាភី ក្នុងកម្មវិធី Asia Youth Leaders 2024 លើប្រធានបទ " Qualities Needed for Future…

នៅថ្ងៃអាទិត្យ ទី១៨ ខែសីហា ឆ្នាំ២០២៤ ស្ថានឯកអគ្គរាជទូតកម្ពុជា ប្រចាំប្រទេសជប៉ុនបានរៀបចំព្រឹត្តិការណ៍ប្រកួតកីឡាបាល់ទាត់មិត្តភាពនៅទីក្រុងតូក្យូ ដើម្បី “អបអរសាទរពិធីបើកការដ្ឋានព្រែកជីកហ្វូណនតេជោ" ក្រោមអធិបតីភាព ឯកឧត្ដម ទុយ រី ឯកអគ្គរាជទូតកម្ពុជាប្រចាំជប៉ុន ដោយមានក្រុមកីឡាករបាល់ទាត់ខ្មែរចំនួន ៩ បានចូលរួមប្រកួត និងមានការចូលរួមទស្សនាដ៏ច្រើនកុះករពីសំណាក់សហគមន៍ខ្មែរ កម្មសិក្សាការី-ពលករជំនាញខ្មែរ ដែលកំពុងរស់នៅ ធ្វើការ និងសិក្សាក្នុងប្រទេសជប៉ុន សរុបជាង ២០០នាក់។ ក្រុមកីឡាករខ្មែរទាំង ៩ក្រុមនោះ មាន ទី១. ក្រុម Classic (ខេត្ត…

ឯកឧត្តម ទុយ រី ឯកអគ្គរាជទូតកម្ពុជាបានចូលរួមត្រួតពិនិត្យការរៀបចំដាក់តាំងបង្ហាញរូបចម្លាក់ខ្មែរ «ព្រះគណេស» មួយអង្គ ក្នុងកម្មវិធីពិព័រណ៍ នៅទីក្រុង Yokohama ប្រទេសជប៉ុន នៅព្រឹកថ្ងៃទី១៦ ខែសីហា ឆ្នាំ២០២៤ តាមការអញ្ជើញរបស់លោក Satoshi Koide នាយកក្រុមហ៊ុន Mineral Marche ឯកឧត្តម ទុយ រី ឯកអគ្គរាជទូតកម្ពុជា​ប្រចាំប្រទេសជប៉ុន អមដោយមន្ត្រីស្ថានទូត បានអញ្ជើញចូលរួមត្រួតពិនិត្យការរៀបចំដាក់តាំងបង្ហាញរូបចម្លាក់ខ្មែរ «ព្រះគណេស» មួយអង្គ ដែលត្រូវបានដឹកមកពី​សារមន្ទីរខេត្ត​កំពង់ធំ សម្រាប់កម្មវិធីពិព័រណ៍ ចាប់ពីថ្ងៃទី១៦…

នៅព្រឹកថ្ងៃអង្គារ ទី០៦ ខែសីហា ឆ្នាំ២០២៤ ឯកឧត្តម ទុយ រី ឯកអគ្គរាជទូតកម្ពុជាប្រចាំប្រទេសជប៉ុន អមដោយលោក ស៊ីន សារ៉ាយ អនុព័ន្ធពាណិជ្ជកម្ម បានអញ្ជើញចូលរួមពិធីរំលឹកសន្តិភាពទីក្រុងហ៊ីរ៉ូស៊ីម៉ា (Hiroshima Peace Memorial Ceremony) ដែលប្រព្រឹត្តទៅនៅទីក្រុងហ៊ីរ៉ូស៊ីម៉ា ក្រោមអធិបតីភាព ឯកឧត្តម គីស៊ីដា ហ៊្វូមីអូ (Kishida Fumio) នាយករដ្ឋមន្រ្តី នៃប្រទេសជប៉ុន ដោយមានការចូលរួមពីតំណាងប្រទេស ព្រមទាំងស្ថានតំណាងបរទេសប្រចាំប្រទេសជប៉ុន ចំនួន ១០៩ប្រទេស។…

ក្នុងឱកាសចូលរួមពិធីរំលឹកសន្តិភាពទីក្រុងហ៊ីរ៉ូស៊ីម៉ា នាល្ងាចថ្ងៃទី០៥ ខែសីហា ឆ្នាំ២០២៤ ឯកឧត្តម ទុយ រី ឯកអគ្គរាជទូតកម្ពុជាប្រចាំប្រទេសជប៉ុន អមដោយ លោក ស៊ីន សារ៉ាយ អនុព័ន្ធពាណិជ្ជកម្ម បានចុះសាកសួរសុខទុក្ខ និងជួបសំណេះសំណាលជាមួយកម្មសិក្សាការីខ្មែរ ពលករខ្មែរ ព្រមទាំងសិស្សនិស្សិត និងមន្រ្តីរាជការដែលមកសិក្សា និងធ្វើការ នៅទីក្រុងហ៊ីរ៉ូស៊ីម៉ា ប្រមាណជាង ៥០នាក់។ ក្នុងឱកាសនោះ ឯកឧត្តមឯកអគ្គរាជទូត បានមានប្រសាសន៍អំពីការអភិវឌ្ឍន៍សេដ្ឋកិច្ច ពាណិជ្ជកម្ម វិនិយោគ និងទេសចរណ៍កម្ពុជា ដែលកំពុងតែមានការរីកចម្រើននាពេលបច្ចុប្បន្ន ជាមួយនឹងការរីករាយអបអរសាទរចំពោះ…

នៅយប់ថ្ងៃទី៤ ខែសីហា ឆ្នាំ២០២៤ ឯកឧត្តម ទុយ រី ឯកអគ្គរាជទូតកម្ពុជាប្រចាំកម្ពុជា បានអញ្ជើញថ្លែងជាភ្ញៀវកិត្តិយសក្នុងកម្មវិធីបើកការប្រកួតប្រដាល់ប្រភេទ Knock Out គុនខ្មែរនៅទីក្រុងតូក្យូ ដែលក្នុងកម្មវិធីនេះមានកីឡាករគុនខ្មែរចំនួន ៣រូបចូលរួមប្រកួតជាមួយកីឡាករជប៉ុនចំនួនពីររូប និងកីឡាករថៃមួយរូបផងដែរ។ ក្នុងឱកាសនោះ ឯកឧត្តមឯកអគ្គរាជទូតបានគូសបញ្ជាក់ពីភាពរីកចម្រើនយ៉ាងខ្លាំងនៃទំនាក់ទំនង និងកិច្ចសហប្រតិបត្តិការគ្រប់វិស័យដែលផ្តល់ផលប្រយោជន៍ទៅវិញទៅមករវាងប្រទេសកម្ពុជា និងជប៉ុន រួមទាំងការតភ្ជាប់រវាងប្រជាជន និងប្រជាជន ស្របនឹងការសម្រេចរបស់មេដឹកនាំនៃប្រទេសទាំងពីរក្នុងការដំឡើងកម្រិតទំនាក់ទំនងទៅជា “ភាពដៃគូយុទ្ធសាស្ត្រគ្រប់ជ្រុងជ្រោយ” ក្នុងឆ្នាំ២០២៣កន្លងមក។ នៅចុងបញ្ចប់ ឯកឧត្តមឯកអគ្គរាជទូតបានលើកទឹកចិត្តប្រជាជនជប៉ុនទៅទស្សនាប្រទេសកម្ពុជាឱ្យបានច្រើនបន្ថែមទៀត៕ https://www.facebook.com/cambodianembassyinjapan/posts/906942298136338

នៅថ្ងៃទី៤​ ខែសីហា​ ឆ្នាំ២០២៤​ ស្ថានឯកអគ្គរាជទូតកម្ពុជាប្រចាំប្រទេសជប៉ុនបានរៀបចំកម្មវិធីជួបជុំ​ និងពិសារអាហារសាមគ្គីជាមួយបងប្អូនខ្មែរប្រមាណជា​ង ២០០នាក់​ មកពីតំបន់ផ្សេងៗក្នុងប្រទេសជប៉ុន​ ក្រោមអធិបតីភាពរបស់ឯកឧត្តម​ ទុយ​ រី​ ឯកអគ្គរាជទូតកម្ពុជា​ នៅស្ទឹងអាយកាវ៉ា​ នៃខេត្តកាណាហ្គាវ៉ា។ បងប្អូនខ្មែរដែលចូលរួមក្នុងការជួបជុំនេះ​ បានសំដែងការអបអរសាទរយ៉ាងក្លៀវក្លា​ និងគាំទ្រយ៉ាងពេញទំហឹងចំពោះពិធីបើកការដ្ឋានព្រែកជីកហ្វូណនតេជោជាផ្លូវការ ក្រោមអធិបតីភាពដ៏ខ្ពង់ខ្ពស់របស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នៅថ្ងៃទី៥​ ខែសីហា ឆ្នាំ២០២៤ ខាងមុខ។ កម្មវិធីនេះក៏មានការចូលរួមពីគណប្រតិភូកីឡាកីឡាគុនខ្មែរមកពីភ្នំពេញសម្រាប់ចូលរួមកម្មវិធីប្រកួតប្រដាល់ប្រភេទ Knock Out ក្នុងគោលបំណងដេីម្បីផ្សព្វផ្សាយប្រដាល់គុនខ្មែរ​ ដល់បងប្អូនខ្មែរនៅក្នុងប្រទេសជប៉ុន​…

នៅព្រឹកថ្ងៃទី៣១ ខែកក្កដា ឆ្នាំ២០២៤ ឯកឧត្តម ទុយ រី ឯកអគ្គរាជទូតកម្ពុជាប្រចាំប្រទេសជប៉ុន អមដោយលោក ស៊ីន សារ៉ាយ អនុព័ន្ធពាណិជ្ជកម្ម បានអនុញ្ញាតឱ្យលោក WAKABAYASHI Kohei អនុប្រធាននាយកដ្ឋានផែនការ នៃអង្គការពាណិជ្ជកម្មក្រៅប្រទេសជប៉ុន (JETRO) ដែលត្រូវបានតែងតាំងជា ប្រធានតំណាងថ្មី នៃអង្គការ JETRO ប្រចាំនៅទីក្រុងភ្នំពេញ ចូលជួបសម្តែងការគួរសម មុនចេញទៅបំពេញបេសកកម្មរបស់ខ្លួននៅកម្ពុជា នាខែសីហាខាងមុខនេះ។ ក្នុងឱកាសនោះ ឯកឧត្តមឯកអគ្គរាជទូត បានសម្តែងការអបអរសាទរដល់លោក WAKABAYASHI Kohei…