Embassy’s Activities

កាលពីព្រឹកថ្ងៃទី១៥​ ខែកញ្ញា​ ឆ្នាំ២០២៤​ ឯកឧត្តម​ ទុយ​ រី​ ឯកអគ្គរាជទូតកម្ពុជា​ ប្រចាំប្រទេសជប៉ុន​ អមដោយមន្រ្តី​ និងបុគ្គលិកស្ថានទូត​ បានអញ្ជេីញចូលរួមកម្មវិធីបុណ្យភ្ជុំបិណ្ឌខេត្តហ្គីហ្វឺដែលរៀបចំដោយសហគមន៍ខ្មែរខេត្តហ្គីហ្វឺ​ និងបានការឧបត្ថម្ភគាំទ្រពីសំណាក់ក្រុមហ៊ុន​ និងសប្បុរសជននានា​។ ព្រិត្តិការ​ណ៍នេះ មានការចូលរួមពីបងប្អូនខ្មែរដែលកំពុងរស់នៅ​ ធ្វេីការ​ និងសិក្សានៅខេត្តហ្គីហ្វឺ​ និងតំបន់ផ្សេងៗនៅក្នុងប្រទេសជប៉ុនប្រមាណជា​ ១០០០នាក់។ កម្មវិធីសំខាន់ៗមានជាអាទិ៍​ ការរាប់បាត​និងប្រគេនចង្ហាន់​ដល់ព្រះសង្ឃ​ ព្រមទាំងបង្សុកូល​ឧទ្ទិសផលបុណ្យជូនដល់សាច់ញាតិដែលបានចែកឋាន។ ក្នុងកម្មវិធីនោះក៏មានការទទួលទានអាហារសាមគ្គី​ ការប្រគុំតន្ត្រី​ និងការរាំលេងកម្សាន្តតាមបែបប្រពៃណីខ្មែរ​ ផងដែរ។ ក្នុងឱកាសនោះ​ ឯកឧត្តមឯកអគ្គរាជទូតបានពាំនាំនូវការផ្តាំផ្ញេីសួរសុខទុក្ខដល់បងប្អូនខ្មែរនៅក្នុងប្រទេសជប៉ុនពីសំណាក់សម្តេចអគ្គមហាសេនាបតី​តេជោ​ ហ៊ុន​ សែន​…

ឯកឧត្តម ទុយ រី ឯកអគ្គរាជទូតកម្ពុជាប្រចាំប្រទេសជប៉ុន បានអញ្ជើញចូលរួមជាអធិបតី ក្នុងពិធីចុះហត្ថលេខាលើអនុស្សរណៈយោគយល់រវាងសាកលវិទ្យាល័យប៊ែលធីអន្តរជាតិ និងសាកលវិទ្យាល័យ SOKA នៃប្រទេសជប៉ុន។ នៅថ្ងៃទី១៣ ខែកញ្ញា ឆ្នាំ២០២៤ តបតាមការអញ្ជើញ ឯកឧត្តម ទុយ រី ឯកអគ្គរាជទូតកម្ពុជាប្រចាំប្រទេសជប៉ុន បានអញ្ជើញចូលរួមជាអធិបតីក្នុងពិធីចុះហត្ថលេខាលើអនុស្សរណៈយោគយល់រវាង សាកលវិទ្យាល័យប៊ែលធីអន្តរជាតិ និងសាកលវិទ្យាល័យ SOKA ប្រទេសជប៉ុន។ នាឱកាសនោះ ឯកឧត្តមឯកអគ្គរាជទូត បានសម្តែងនូវក្តីសោមនស្សរីករាយនិងបានកោតសរសើរសាកលវិទ្យាល័យអន្តរជាតិទាំងពីរ ដែលបានចាប់ដៃសហការគ្នាក្នុងវិស័យធនធានមនុស្ស។ ឯកឧត្តមឯកអគ្គរាជទូត បានគូសបញ្ជាក់ផងដែរថា ការបណ្តុះបណ្តាលនិងអភិវឌ្ឍន៍វិស័យធនធានមនុស្សគឺជាអាទិភាពចាំបាច់មួយក្នុងចំណោមអាទិភាពដទៃទៀតនៃយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលកម្ពុជា។…

នៅរសៀលថ្ងៃទី៩ ខែកញ្ញា ឆ្នាំ២០២៤ ឯកឧត្តម ទុយ រី ឯកអគ្គរាជទូតកម្ពុជា ប្រចាំនៅប្រទេសជប៉ុន បានអនុញ្ញាតជូនឯកឧត្ដម លី ណាវុឌ្ឍ សាកលវិទ្យាធិការ និងថ្នាក់ដឹកនាំ នៃសាកលវិទ្យាល័យ ប៊ែលធី អន្តរជាតិ ជួបសម្តែងការគួរសម និងពិភាក្សាការងារ ក្នុងឱកាសដែល ឯកឧត្តមសាកលវិទ្យាធិការ និងថ្នាក់ដឹកនាំអញ្ជើញមកបំពេញទស្សនកិច្ចការងារនៅប្រទេសជប៉ុន។ ឯកឧត្ដម លី ណាវុឌ្ឍ សាកលវិទ្យាធិការ បានជម្រាបជូនអំពីគោលបំណងសំខាន់ៗនៃដំណើរទស្សនកិច្ចការងារនៅប្រទេសជប៉ុន រួមទាំងគោលបំណងក្នុងការពង្រឹង និងពង្រីកទំនាក់ទំនង និងកិច្ចសហប្រតិបត្តិការក្នុងវិស័យអប់រំរវាងសាកលវិទ្យាល័យ ប៊ែលធីអន្តរជាតិ…

ក្រោមការសម្របសម្រួលពីសមាគមជប៉ុនកម្ពុជា (Japan-Cambodia Association - JCA) នៅព្រឹកថ្ងៃទី០៩ ខែកញ្ញា ឆ្នាំ២០២៤ ឯកឧត្តម ទុយ រី ឯកអគ្គរាជទូតកម្ពុជាប្រចាំប្រទេសជប៉ុន និងសហការី បានអញ្ជើញធ្វើទស្សនកិច្ចនៅស្ថានីយទូរទស្សន៍ TBS និងទីស្នាក់ការកណ្តាលរបស់ក្រុមហ៊ុន TBS HOLDINGS នៅតំបន់ពាណិជ្ជកម្មអាកាសាកាក់ ទីក្រុងតូក្យូ តាមការអញ្ជើញរបស់ប្រធានក្រុមហ៊ុន TBS HOLDINGS ។ ក្នុងដំណើរទស្សនកិច្ចនេះ ឯកឧត្តម ទុយ រី ឯកអគ្គរាជទូតកម្ពុជាប្រចាំប្រទេសជប៉ុន និងឯកឧត្តម…

នៅព្រឹកថ្ងៃទី៨ ខែកញ្ញា​ ឆ្នាំ២០២៤​ ឯកឧត្តម​ ទុយ​ រី​ ឯកអគ្គរាជទូតកម្ពុជា​ ប្រចាំប្រទេសជប៉ុន​ និងមន្ត្រី ព្រមទាំងបុគ្គលិកស្ថានទូត​ បានអញ្ជេីញចូលរួមកម្មវិធីបុណ្យផ្ការស្មីសាមគ្គី​ផ្តួចផ្តេីមដោយគណ:កម្មការ វត្តបារមីគិរីខេមរាភ្នំបិតាធំ​ ស្ថិតនៅក្នុងខេត្ត Kanagawa​ ដេីម្បីកសាងព្រះវិហារវត្តបារមីគិរីខេមរាភ្នំបិតាធំ​ ដែលមានសភាពទ្រុឌទ្រោមខ្លាំង​ ក្នុងគោលបំណងថែរក្សា​ និងលេីក​ស្ទួយប្រពៃណីព្រះពុទ្ធសាសនាខ្មែរ។ កម្មវិធីនេះ​ក៏មានការអញ្ជេីញចូលរួមយ៉ាងច្រេីនកុះករពីសំណាក់បងប្អូនខ្មែរ​ដែលកំពុងរស់នៅ​ ធ្វេីការ​ និងសិក្សានៅក្នុងប្រទេសជប៉ុន​ ផងដែរ។ ក្នុងឱកាសនោះ​ គណ:កម្មការវត្តបារមីគិរីខេមរាភ្នំបិតាធំបានថ្លៃងអំណរគុណយ៉ាងជ្រាលជ្រៅដល់ស្ថានឯកអគ្គរាជទូត​ និងពុទ្ធបរិស័ទគ្រប់ទិសទីដែលបានចូលរួមយ៉ាងសស្រាក់សស្រាំក្នុងការកសារព្រះវិហារវត្តនេះ៕ https://www.facebook.com/cambodianembassyinjapan/posts/pfbid02MkvCnPn2phdE4xtqHVwcQoNRiWKwyzo56k1JVRBX4wxcynq5Xs7PGbL91upNprCUl

នារសៀលថ្ងៃទី០៥ ខែកញ្ញា ឆ្នាំ២០២៤ ឯកឧត្តម ទុយ រី ឯកអគ្គរាជទូតកម្ពុជាប្រចាំប្រទេសជប៉ុន អមដោយលោក ស៊ីន សារ៉ាយ អនុព័ន្ធពាណិជ្ជកម្ម បានអញ្ជើញចូលរួមជាភ្ញៀវកិត្តិយស និងថ្លែងសុន្ទរកថាអបអរសាទរនៅក្នុង “ពិធីប្រគល់ពានរង្វាន់អន្តរជាតិលើគម្រោងសាងសង់របស់ជប៉ុន លើកទី៧ (The 7th Construction International Awards Ceremony)” ដែលបានប្រព្រឹត្តទៅក្រោមអធិបតីភាព ឯកឧត្តម SAITO Tetsuo រដ្ឋមន្រ្តីក្រសួងដែនដី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍ជប៉ុន នៅសាល…

នៅរសៀលថ្ងៃទី០៤ ខែកញ្ញា ឆ្នាំ២០២៤ ឯកឧត្តម ទុយ រី ឯកអគ្គរាជទូតកម្ពុជា ប្រចាំប្រទេសជប៉ុន អមដោយលោក អៀង សេងហេង លេខាធិការទី២ នៃស្ថានឯកអគ្គរាជទូតកម្ពុជា ប្រចាំប្រទេសជប៉ុន បានចូលរួមកិច្ចប្រជុំ ACT លើកទី៣២២ ថ្នាក់ ឯកអគ្គរាជទូត/ ឯកអគ្គរដ្ឋទូតនៃបណ្តាប្រទេសសមាជិកអាស៊ាន ប្រចាំប្រទេសជប៉ុន ក្រោមភាពជាប្រធាននៃស្ថានឯកអគ្គរដ្ឋទូតនៃសាធារណរដ្ឋប្រជាធិបតេយ្យប្រជាមានិតឡាវ ប្រចាំប្រទេសជប៉ុន។ កិច្ចប្រជុំនេះ បានផ្តោតការពិភាក្សា និងផ្លាស់ប្តូរយោបល់លើប្រធានបទដូចខាងក្រោម៖ ˗ ការផ្លាស់ប្តូរទស្សនៈលើបញ្ហាការអភិវឌ្ឍក្នុងប្រទេសជប៉ុន និងក្នុងតំបន់ រួមទាំងការវិត្តន៍ស្ថានភាពនយោបាយ…

នៅព្រឹកថ្ងៃទី២៨ ខែសីហា ឆ្នាំ២០២៤ ឯកឧត្តម ទុយ រី ឯកអគ្គរាជទូតកម្ពុជាប្រចាំប្រទេសជប៉ុន បានអនុញ្ញាតឱ្យនិស្សិតជាមន្ត្រីរាជការជ័យលាភីអាហារូបករណ៍ជប៉ុន សម្រាប់ការអភិវឌ្ឍធនធានមនុស្ស(JDS) ចំនួន ២៥រូប ដែលក្នុងនោះ បន្តការសិក្សាថ្នាក់បណ្ឌិតចំនួន ២រូប និងថ្នាក់បរិញ្ញាបត្រជាន់ខ្ពស់ចំនួន ២៣រូប នៅក្នុងប្រទេសជប៉ុន ចូលជួបសម្តែងការគួរសម នៅស្ថានឯកអគ្គរាជទូតកម្ពុជា។ និស្សិតអាហារូបករណ៍ JDS ខាងលើនេះ មកពីក្រសួង ស្ថាប័នរបស់រដ្ឋាភិបាលកម្ពុជាចំនួន ១៥ រួមមាន ក្រសួងការបរទេសនិងសហប្រតិបត្តិការអន្តរជាតិ ក្រសួងសេដ្ឋកិច្ចនិងហិរញ្ញវត្ថុ ក្រសួងបរិស្ថាន ក្រសួងមហាផ្ទៃ…